Archives

You are currently viewing archive for July 2011
Category: Tamil
Posted by: admin
இலங்கைப் பணிப்பெண்னை கொலைச்செய்த சவூதி வேலை வழங்குநரிடமிருந்து 50ஆயிரம் ரியால் நட்ட ஈட்டைப் பெற்றுக்கொண்டு அவருக்கு மன்னிப்பு வழங்க குறித்த பெண்னின் குடும்பத்தினர் உடன்பட்டுள்ளனர் என இலங்கைத் தூதரகம் அறிவித்துள்ளது.

36வயதான பாவனிதேவி சின்னையா என்ற இலங்கைப் பணிப்பெண் கடந்த ஜனவரி 19ஆம் திகதி அவரது வேலை வழங்குநரால் கொலைச்செய்யப்பட்டார் . இம்மாத முற்பகுதியில் அவர் நாடு திரும்பும் இருந்த நிலையிலேயே அவர் கொல்லப்பட்டார்.

ஆரம்பத்தில் மரணம் மர்மமானது என கூறப்பட்டாலும் வேலை வழங்குனர் சந்தேகத்தின்பேரில் கைதுச்செய்யப்பட்டார். இதனை அடுத்து நடந்தது கெலையே என பொலிஸார் உறுதிச்செய்தனர். திருமணமான குறித்த பெண் மஸ்கெலியா பிரதேசத்தைச் சேர்ந்தவர். 2008 ஆம் ஆண்டு சவூதி அரபியாவுக்குச் சென்றிருந்தார்.

நாம் வேலை வழங்குநரின் தந்தையாருடன் தொடர்புக்கொண்டு பணிப்பெண்ணின் குடும்பத்தாருக்கு நட்டஈடு வழங்குவது குறித்து பேச்சுக்களை நடத்தினோம். வேலை வழங்குநரின் தந்தையார் அதற்கு ஒத்துக்கொண்டர் என தூதரக வட்டாரங்கள் தெரிவித்துள்ளன. அத்தோடு அவருக்கு வழங்கப்படாத இரண்டு வருட சம்பளமான 16,245ரியாலையும் வழங்க வேலை வழங்குநரின் தந்தை உடன்பட்டுள்ளார். கொடுப்பனவுகள் இலங்கை வெளிவிவகார அமைச்சினூடாக வழங்கப்படும்- என தெரிவிக்கப்படுகிறது.
Category: Tamil
Posted by: admin
இலங்கை கொரியா ஒப்பந்தம் மூலம் வடப்பகுதி தமிழ் இளையர் யுவதிகளுக்கு அதிகளவு வேலைவாய்ப்புக்கள் பெற்றுக்கொடுக்க உள்ளதாக வெளிநாட்டு வேலைவாய்ப்பு ஊக்குவிப்பு நலன்புரி அமைச்சர் திலான் பெரேரா தெரிவித்தார். வெளிநாட்டு வேலைவாய்ப்பு பணியகத்தின் ஏற்பாட்டில் யாழ்.வைத்தீஸ்வரா கல்லூரியில் இடம்பெற்ற கொரிய வேலைவாய்ப்பு பற்றி இளையர் யுவதிகளுக்கு விளக்கமளிக்கும் பிரதம் விருந்தினராக நிகழ்வில் கலந்து கொண்ட அமைச்சர் திலான் பெரேரா மேலும் தெரிவிக்கையில் இலங்கை- கொரிய ஒப்பந்தம் மூலம் இம்முறை வவுன்யா, யாழ்ப்பாணம், கிளிநொச்சி போன்ற பகுதிகளை சேர்ந்த இளையர் யுவதிகளுக்கு அதிகளவு வேலைவாய்ப்பு பெற்றுக்கொடுக்க நடவடிக்கை எடுத்து வருகிறோம் என்றார்.
Category: Tamil
Posted by: admin
இவ்வருடத்தில் முதல் ஆறு மாத காலப்பகுதியில் இலங்கையையருக்கு கொரியாவில் 3 ஆயிரத்துக்கும் அதிகமான இளையர் யுவதிகளுக்கு வேலை வாய்ப்பு கிடைக்க பெற்றுருப்பதாக இலங்கை வெளிநாட்டு வேலைவாய்ப்பு பணியகத்தின் அதிகாரியொருவர் தெரிவித்துள்ளார். முதல் நான்கு மாதத்திற்குள் கோரியாவில் 1800 பேருக்கு வேலை வாய்ப்பு கிடைக்கப்பெற்றதுடன் ஜுன் மாதத்தில் மட்டும் கொரிய மொழியில் தேர்ச்சி பெற்ற 1220 இளையர் யுவதிகளுக்கு வேலை வாய்ப்புக்காக ஒப்பந்தங்கள் கைச்சாத்திடப்பட்டுவருகின்றன. 2010 ஆம் ஆண்டிலிருந்து இதுவரை இலங்கையை சேர்ந்த 8 ஆயிரம் இளையர் யுவதிகளுக்கு தென் கொரியாவில் வேலை வாய்ப்பு கிடைக்க பெற்றுள்ளமை குறிப்பிடத்தக்கது.
Category: Tamil
Posted by: admin
ஷரிஆ சட்டத்தின் கீழ் சவூதி அரேபியாவில் மரண தண்டணை அளிக்கப்பட்டுள்ள இலங்கை யுவதியான ரிஸானா நபீக்கின் விடயத்தில் முடிந்தளவு முயற்சிசெய்கிறோம் என அமைச்சரவை பதில் பேச்சாளரான அமைச்சருமான அனுரபிரியதர்சன யாப்பா தெரிவித்தார். மேலும் அவர் இதை பற்றி கூறுகையில் இரு தரப்பினரும் கவனம் செலுத்தவேண்டும். அரசாங்கம், வெளிவிவகார அமைச்சி, வெளிநாட்டு வேலை வாய்ப்பு அமைச்சு மற்றும் பணியகம் தேவையான நடவடிக்கைகளை மேற்கொண்டுள்ளனர். மேலும் இந்த விடயத்தில் மன்னரினால் நேரடியாக தலையிடமுடியாது நாம் முடிந்தளவு உதவிகளை செய்துள்ளோம் என்றார். ஷரிஆ சட்டத்தின் படி இரு தரப்பினரும் இவ்விடயத்தில் கவனம் செலுத்தவேண்டும் என்றார்.